އިއްޔެ ހަވީރު ތޫނު އެއްޗަކުން ހަމަލަދީ ދެމިހަކު ވަރައް ބޮޑަށް ޒަޙަމް ކޮށްލައިފިކަމަށް ފުލުހުން ހާމަކުރައްވައިފިއެވެ. ފުލުހުންގެ މީޑިއާ ކޯޑިނޭޓަރު ސަބް އިނިސްޕެކްޓަރު އޮފް ޕޮލިސް އަހުމަދު ޝިޔާމް ވިދާޅުވި ގޮތުގައި ތޫނު އެއްޗަކުން ހަމަލާދިނުމުގެ ސަބަބުން ދެމީހުނަށްވެސް ވަނީ ސީރިއަސް އަނިޔާތަކެއް ލިބިފައެވެ. އަދި މަޢުލޫމަތު ލިބިފައިވާ ގޮތުގައި މިހާދިސާގައި އެކެއްގެ ކަރަށް އަދި އަނެކެއްގެ ބުރަކަށްޓަށް ލިބުނު ޒަޚަމްތަކުގެ ސަބަބުން އެކަކުގެ ޙާލު ވަރަށް ސީރިއަސް އެވެ. މިމީހަކީ ގއ. މާމެންދޫ އާބާދުގޭ ޢަބްދުﷲ ޖަލާލް ކަމަށްވެސް މަޢުލޫމާތު ލިބިފައިވެއެވެ.މިދެމީހުނަށް ހަމަލާދީފައިވަނީ ސަލަޓަން ޕާކް ކައިރިން ގުރޫޕު ހަދައިގެން ދިޔަ ބަޔެއް ކަމަށާއި މި މައްސަލަ މިހާރު ދަނީ އިތުރަށް ތަޙްޤީގު ކުރަމުންކަމުގައި ޝިޔާމް ވިދާޅުވިއެވެ. އެ ދެ މީހުނަށްވެސް އައިޖީއެމްއެޗް ހޮސްޕިޓަލުގައި މިހާރުދަނީ ފަރުވާ ދެމުންނެވެ.
މީގެ އިތުރުން ނ.ވެލިދޫގައި މިދިޔަ ބުރާސްފަތިދުވަހުގެ ރެއާއި ހުކުރުދުވަހު ބަޔަކު ތޫނުހަތިޔާރު ހިފައިގެން ނުކުމެ ބައެއް މީހުންނަށް ބިރުދައްކާފައިވާކަމަށް އެރަށުގެ ބަޔަކުވަނީ މައުލޫމާތު ދިފައެވެ. އަދި ފުލުހުން ވަނީ ތޫނު ހަތިޔާރުން އާއްމު މީހުންނަށް ބިރުދައްކަމުންދިޔަ ބަޔަކު ވެލިދޫ ޕޮލިސް ސްޓޭޝަނުގެ ބެލުމުގެ ދަށަށް ގެންގޮސްފައިވާކަން ކަށަވަރު ކޮށްދީފައެވެ.
No comments:
Post a Comment