އިސްލާމިކް ފައުންޑޭޝަން އޮފް ދަ މޯލްޑިވްސްގެ ފަރާތުން “ތައުހީދާއި ޝިރުކު” މިމައުޟޫއަށް ދެދުވަހުގެ ވޯކް ޝޮޕެއް (ނަދުވާ އިސްލާމިއްޔާ) ބާއްވަން ނިންމައިފި އެވެ.
މިމަހު 25 އަދި 26 ވާ ހުކުރު ދުވަހާއި ހޮނިހިރު ދުވަހު ބޭއްވުމަށް ހަމަޖެހިފައިވާ މި ވޯކް ޝޮޕް ކުރިއަށް ދާނީ ނަސަންދުރަ ޕެލަސް ހޮޓެލްގަ އެވެ. މި ވޯކް ޝޮޕްގައި ކިޔަވައި ދެއްވާނީ ރާއްޖޭގެ ފުންނާބު އުސް ދީނީ އިލްމުވެރިންކަމަށްވާ އައްޝައިޚް އަބޫބަކުރު އިބްރާހީމް (ބަކުރުބެ)، އައްޝައިޚް އިބްރާހީމް ފަރީދު އަޙްމަދު، އައްޝައިޚް މުޙައްމަދު އިބްރާހީމް އަދި އައްޝައިޚް މުޙައްމަދު މޫސާ އެވެ.
މި އިލްމުވެރިންގެ ތެރެއިން އައްޝައިޚް އަބޫބަކުރު އިބްރާހީމް އާއި އައްޝައިޚް މުޙައްމަދު އިބްރާހީމް އަކީ “ތައުހީދާއި ޝިރުކު” މިމައުޟޫއަށް ފޮތް ލިޔުއްވައި ގިނަ ދަރުސްތަކެއް ދެއްވާފައިވާ ދެ ބޭފުޅުންނެވެ. މި ބޭފުޅުންގެ އިތުރުން މިވޯކް ޝޮޕްގައި އޮބްޒާވަރުންގެ ގޮތުގައިވެސް ރާއްޖޭގެ މަޝްހޫރު ދީނީ އިލްމުވެރިން ހަރަކާތްތެރިވުމަށް ހަމަޖެހިފައިވެ އެވެ. އަންހެން ބޭކަނބަލުންނާއި ފިރިހެން ބޭފުޅުންނަށް ބައިވެރިވެވޭ ގޮތަށް އިންތިޒާމް ހަމަޖެހިފައިވާ މިވޯކް ޝޮޕް ގައި ބައިވެރިވުމަށް ދައްކަންޖެހޭ ފީ އަކީ 250 ރުފިޔާ އެވެ. މި ވޯކް ޝޮޕް ހިނގަމުންދާ ވަގުތުތަކުގައި ކެޔުމާއި ސައިގެ އިންތިޒާމް ނަސަންދުރަ ޕެލަސް ހޮޓެލްގައި އިންތިޒާމް ކުރެވިފައިވާއިރު ބައިވެރިންނަށް ކޯސް މެޓީރިއަލްސް ވެސް ދިނުމަށް ވަނީ ހަމަޖެހިފައެވެ.
މި ވޯރކްޝޮޕްގައި ބައިވެރވުމަށް ފުރަންޖެހޭ އެޕްލިކޭޝަން ފޯމް ބަލައިގަންނަ އެންމެ ފަހު ތާރީޚަކީ 20 ފެބްރުއަރީ އެވެ. އެޕްލިކޭޝަން ފޯމް އިސްލާމިކް ފައުންޑޭޝަންގެ އޮފީސް: ހ.މާފިޔާ އިން ލިބޭނެއެވެ. އަދި އެފައުންޑޭޝަންގެ ރަސްމީ ވެބްސައިޓުން އިން ކުރެވެން ހުންނާނެ އެވެ. އިތުރު މައުލޫމާތު ހޯއްދެވުމަށް 7902486 އާއި ގުޅުއްވުމަށް އިސްލާމިކް ފައުންދޭޝަން އޮފް ދަ މޯލްޑިވްސް އިން ވަނީ އެދިވަޑައިގެންފައެވެ.
No comments:
Post a Comment